Dry skin care tips

            Apne skin ka khyaal skin type ke anusaar hi rakhna chyie. Kisi ki skin oily hoti hai, jiski wajah se unki skin par hmesa oil bana rahta hai, whi doosri taraf kuch logo ki skin dry hoti hai ki unke face par dryness hmesa rahta hai. Lekin agar hum apne skin type ke anusaar apni skin ka khyaal rakhte hai to hmari skin bhi ek healthy skin ban sakti hai. 

      Aapke ghar me aisi bhout si chije hai, jinka use karke aap dry skin se nijaat pa sakte hai. kuch aise tips aur gharelu facepack aaj hum apne blog me batayege jo aapki skin se dryness ki problem hmesa ke liye door ho jayegi.

DRY SKIN KE CARE KE KUCH IMPORTANT TIPS : 

MOISTURIZER KA USE KARE : Skin ki dryness ko door karne ke liye hume apne skin par daily moisturizer apply karna chyie. Specally thandiyo ke season me skin jyada hi dry hone lagti hai, isliye nahane ke turant baad poori body par moisturizer use karna chyie. Dry skin walo ko makeup karne ke phle apne skin par moisturizer ka use karna chyie, jisse unki skin makeup ke baad dry na lage aur makeup skin par achhe se mix ho jaaye.

ALCOHOLS FREE PRODUCTS KA USE KARE : Market me milne wale products me bhout se chemical aur alcohols mile hote hai, jinki wajah se bhi aapki skin dry hone lagti hai, isliye humko aise products se door hi rahna chyie.

GUNGUNE PAANI SE NAHAYE : Kabhi-kabhi hum thand se bachne ke liye garam ya phir gizer ke paani se naha lete hai, jo aapki skin ke liye harmfull hota hai. Isliye hmesa halke gungune paani se nahana chyie.

DRY HAWAO SE BACHE : Garmiyo me chalne wali garam aur dry hawao se bachna chyie, ye aapki skin ko effect karta hai. Isliye jab bhi bahar jaaye to apni skin aur baalo ko achhe se scarf se dhak lena chyie, isse garam hawao ka asar sidhe aapke baalo aur skin par ni padta hai.

SOAP KA USE KAM KARE : Nahate time hume apni body par jyada soap ka use ni karna chyie. Soap aapki skin ko dry kar deta hai. Face ko wash karne ke liye kabhi bhi soap ka use ni karna chyie, hmesa face-wash se face ko wash karna chyie. Waise bhi aaj kal market me bhout se fruits wale face-wash milte hai.

PAANI JYADA PIYE : Paani jyda pine se aapki skin se related problem to door hoti hi hai sath- sath aapki body se related problem ko bhi hmesa ke liye door karta hai. 

GREEN VEGETABLES AND FRUITS JYADA KHAYE : Aap apne diet me bahar ki chijo ki jagah fruits and vegetables ko jyada add kare, isko khane se aapki skin par ek natural glow hmesa ke liye bana rahta hai.

LIQUID MAKEUP KA USE KARE : Dry skin walo ko apne makeup se pahle moisturizer ka use jaroor karna chyie. Aur iske sath apni skin par liquid makeup ka use kare na ki koi dryness karne wali skin products ka. 

EXERCISE AUR YOGA DAILY KARE : Dry skin ki problem se door rahne ka sabse achha tarika yhi hai, ki aap subah subah daily yoga aur exercise kare. yoga aur exercise aapki body se related problem ko door karta hi hai, iske sath-sath ye aapki skin par ek natural glow, freshness aur shine laane ka bhi kaam karta hai.

SKIN DR. KO DIKHAYE : Agar aapki skin par dryness jyada hota hai, to hume turant kisi skin dr. ko dikhana chyie, jisse aapki skin sahi ho sake.

ALLOPATHIC MEDICINES KA USE KAM KARE : Aapne dhyaan diya hoga to aap jab bhi bimaar padte hai, aur dawaiya khate hai, to aapki me dawai ki wajah se garmi aur aapki skin par dryness bhi aane lagti hai. Isliye hme allopathic dawaiyo se door rahna chyie aur apni life me daily subh yoga aur exercise karna chyie.

DRY SKIN KI PROBLEM SE BACHNE KE LIYE KUCH GHARELU CHIJO KA USE ASARDAAR SABBIT HOTA HAI

 

👉 MILK CREAM 👈

Dry skin ki problem ko door karne ka sabse best idea hai ki aap apne face par daily milk cream apply kare. subah jab bhi aap apne face ko  wash karte hai, to aapki skin sukhne ke baad dry lagti hai, jisse aapki skin par khichaav bhi hone lagta hai. Isliye aise me hume apne skin par milk cream apply karna chyie, jo skin ko soft aur shiny banati hai.

👉 HONEY 👈

Honey aapki skin ke liye ek natural moisturizer ka kaam karta hai. Isse aapki skin par glow aur softness dono aata hai. Aap honey ko daily raat me sone ke pahle apne face par 5 min. ke liye achhe se massage kare, phir aise hi chodh de ya phir thande paani se face ko wash bhi kar sakte hai.

👉 BANANA 👈

Banana bhi ek natural moisturizer aur anti-bactarial ka kaam karta hai. iske use se aapka face dhire-dhire young lagne lagta hai. Ek bowl me 1/2 banana ko achhe se masal le phir isme thoda sa honey ya phir cococnut oil ko achhe se mix kar le. Ab is ko apne face par 10 min ke liye lagaye phir thande paani se wash kar le.

👉 ALOE-VERA 👈

Jaisa ki sab jaante hai ki aloe vera ek herbal, natural moisturizer ke sath sath ek anti-septic ka bhi kaam bhi karta hai. Dry skin walo ko apne face aur skin par aloe vera gel ko jaroor lagana chyie.

DRY SKIN HONE KE KUCH MAIN REASON : Dry skin ki problem kisi bhi season me aapke saame aa sakta hai, isliye hume apne skin ka achhe se khyaal rakhna chyie. Hum aapko kuch aise main reason batane wale hai, jinki wajah se aapki skin par dryness ki problem aane lagti hai.

• Jyada garam paani se nahane ki wajah se dryness ki problem aane lagti hai.
  
  
• Aapki body me paani ki kami ki wajah bhi aapke skin par dryness ki problem ban sakti hai.
  
  
• Cosmetics ka jyada use karne se.
  
  
• Badalte mausam ki wajah se bhi skin par dryness ki problem aane lagti hai.
  
  
• Soap, ditergent ka use jyada na kre, isse skin dry hoti hai.
  
  
• Kabhi-kabhi medicine ke jyada use karne se bhi aapki body me garmi hone lagti hai jiski wajah se aapki skin dry hone lagti hai.
  
    Aaj hum apne blog ke jaryie aapko dry skin ke care ke kuch important tips bataye hai jinko follow karke aap dry skin ki problem se hmesa hmesa ke liye door ho sakte hai. Aapko humara aaj ka blog kaisa laga comment box me jaroor bataye.
  
  INSTAGRAM I'D : #naturalsaundrya.jayu12