Is duniya me aisa kon hai, jo ek khoobsurat aur glowing skin ni paana chaahta hai. Iske liye wo na jaane kya kya karte hai. Office, college jaane wali ladkiyo aur ladies ko apne aap ko smart and khoobsurat bnane ke liye Makeup ki help leni padti hai. Makeup karna kuch log pasand karte hai kuch ko makeup jyada pasand ni hota hai. Lekin aaj kal makeup is badalte jamane ke sath jaroori ho gya hai.
Kahte hai ki ek khoobsurat chehre ko sawarne ki jaroorat ni hoti hai. Isliye makeup aisa kare jo jyada heavy na ho. Simple look sabko sabse jyada attract karta hai. Jyada ya phir heavy makeup bhi achha ni lagta hai. Isliye aaj hum aapko apne blog ke jariye kuch aise tips batane wale hai, jinko agar aap daily life ke makeup me use karte hai to aapka look simple aur attractive lagega.
👉 MOISTURIZER YA PHIR SUNSCREEN KA USE KARE 👈
Makeup karne se pahle hmesa sunscreen aur moisturizer ka use karna chyie, specally jab humko khi bahar jaana ho. Sunscreen hmari skin ko sun ki harmfull lights se safe rakhte hai, whi moisturizer skin ko dry ni hone dete hai, aur isko lagane se makeup bhi smooth aur lamba chalta hai. Isliye makeup karne se pahle humko achhi quality ka sunscreen aur moisturizer ka use karna chyie.
👉 BB YA CC CREAM KA USE 👈
Makeup me sabse jyada important hota hai ki makeup ka base sahi hona chyie. Foundation ka use apni skin ke tone ke anusaar hi karna chyie. Foundation aapki skin ko smooth aur glowing banati hai. Foundation ko hmesa apni ungaliyo ki help se tap tap karke poore face par lagana chyie phir beauty blender ki help se skin par apply karna chyie, aur 5 se 10 min. ke liye aise chodh de jisse ki skin me foundation achhe se absorve ho jaaye.
👉 CONCEALER KA USE 👈
Apne skin ke daag dhabbo ko chupane ke liye concealer ka use kiya jaata hai. jinke face par kisi chij ka spots ya daag ho, ya phir unki aankho ke niche kaale ghere ho to unko chupane ke liye unhe foundation ke pahle concealer ka use karna chyie. Market me bhout se quality aur brand ke concealer milte hai. Aap apne face par apni ungaliyo ki help se tap tap karke kaale ghere aur daag wali jagah par concealer lagaye phir brush ki help se achhe se face par faila le.
👉 COMPACT FACE POWDER 👈
Skin ko touchup dene ke liye face powder ka use karna chyie. face powder aapki skin par aapke makeup ko achhe se set kar deta hai. Isliye last me face par compact powder ka use jaroor kare. Compact powder ki help se bich - bich me apne makeup ko touchup dete rahna chyie.
👉 EYE MAKEUP 👈
Aapki personality ko smartness look dene ke liye makeup aaj kal common sa ho gaya hai. Kahte hai ki aankhe bhout kuch bol jaati hai, iske liye humko apni aankho ko bhi nikhaarne ki jaroorat hai. Office ya college wali girls ya ladies aankho me kajal ya phir eye liner ka use kar sakti hai. Kaali ghani palko wali aankho se aapke chehre ki khoobsurti lakh guna badh jaati hai. jinki eyebrows patli hoti hai, wo apne eyebrow par eye pencil bhi cala sakti hai. Time time par apne eyebrows ke shapes ko bhi banwana chyie.
👉 LIP MAKEUP 👈
Aankho ke sath sath aap apne lips ki khubsurti par bhi dhyaan de. Kuch logo ke lips naturally pink hote hai aur kuch logo ke lips par blackness hoti hai jiski wajah se aapko lip balm ya lipistic ka use karna chyie kyoki aapka makeup tab tak aadhura lagta hai jab tak apne lips par koi balm, ya lipistic ni lagati hai. Lips ko colour dene ke liye aap colour wale lip balm bhi use kar sakti hai.
👉 HAIR STYLE 👈
Aapke baal bhi aapki khoobsurti ko badhate hai. kaale ghane baal kinko ni pasand hote hai, lekin office college wali ladkiyo ko baalo ki care karne me jyada time dena padta hai. Aise me baalo ke care ke liye baalo ki cutting karwani chyie, ya phir koi aisi hair style apne baalo par banani chyie jo aapke look ko khoobsurat aur smart look de.
Daily life me busy rahne wali, college ya office work wali ladkiyo ke paas makeup ke liye itne time ni rahta hai, ya time rahta hai to unko makeup karna ni aata hai. Aisi bhout si problem aati hai, isliye aaj hum apne blog ke jariye aapko kuch aise simple tips batayege jinko follow karke aap bhi parlour jaisa makeup ghar par kar sakti hai. Aapko aaj ka humara ye makeup steps aur makeup tips kaise lage comments box me jaroor bataye.
Instagram i'd : #naturalsaundrya.jayu12
0 टिप्पणियाँ