Heena Mehndi lgane ke tarika aur fayde

                                    Baalo ko sundar banane ke liye hum na jaane kitne tips follow karte hai, jinse wo lambe, ghane aur sundar baal pa sake. Baalo ko healthy bnane ke liye heena mehndi ka use karna sabse best hota hai. Agar aapko usko lgane ka sahi tarika aur usme daale jaane wale samano ke baare me achhe se pata ho, ki unse kya effect aur kya side effect hone wale hai, to hum apne baalo ko healthy bana sakte hai. 

                         

                          Har ek ladies dandruf free, smooth and shiny hair chaahti hai. Baalo ko saaf rakhne ke liye shampoo aur phir baalo ko conditioner karte hai, jinse wo smooth bane rahe. Baalo ke conditioner ke liye sabse best heena mehndi hoti hai. Aaj hum aapko apne blog ke jariye Heena mehndi ke use karne ke tarike, aur unme milaye jaane wale chijo ko batayege, jo aapke baalo ko smooth, long and healthy banate hai.

 AAPKE BAALO KE LIYE KON SI MEHNDI BEST HAI ?

                Aap apne baalo ke liye kon si mehndi ko use me laaye jinse aap soft, shiny aur dandruf free baal pa sakte hai. Isko lekar hmesa sb cofuse hote rahte hai. Bahar market me milne wale  mehndi products achhe to hote hai, lekin inme chemical mile hue hote hai, jo aapke baalo ke liye harmfull bhi ho sakte hai. Isliye hume hmesa Natural Ayurvedic Mehndi ka use karna chyie. Aap natural mehndi ke plants ke leaves ko bhi apne baalo me mehndi ke roop me apply kar sakte hai. Ye ek Natural conditioner ka kaam karega aur aapke baalo ko smooth, shiny and dandruf free banata hai.

MEHNDI ME DAALE JAANE WALE JAROORI CHIJE : Mehndi ko use karne se pahle aap usme kuch aisi chije mix kar sakti hai, jo aapke baalo ko lamba, ghana, soft aur shiny bnane me help karte hai.

• CHAI KA PAANI : Aap mehndi ko tayar karne ke liye simple saade paani ki jagah chai ke paani ka use kar sakte hai. Iske liye aapko ek patile me paani daalkar usme chai patti ko ubalni padegi. Phir jab ye thanda ho jaaye aap isko chaan le aur mehndi ko is paani se tayar kare.
  
  
• LEMON JUICE : Agar aapke baalo me dandruf ho to uske nijaat ke liye aap usme lemon juice ko add kar sakte hai. Isse aapko baalo me hone wale khujali se bhi chutkara mil jayega. 
  
  
• DAHI (CURD) : Aap apne baalo ko smooth aur shiny banane ke liye heena mehndi me curd ko bhi achhe se mix kar sakte hai. Ye aapke baalo ki growth bhi badhati hai. Dahi aapke baalo ke liye ek natural conditioner ka kaam karti hai.
  
  
• AMLA POWDER : Aap apne heena mehndi ke mixture me amla powder ko bhi mix kar sakti hai, ye aapke baalo ki growth ko badhati hai aur sath me hi hairfall ki problem bhi door hone lagti hai.
  
  
• METHI KA USE : Aap apne mehndi me methi powder ka bhi use kar sakte hai. Methi ke daane ko raat bhar bhigo de subah isko piskar achhe se heena mehndi me mila le. Isse baalo ka girna ruk jayega aur aapke baalo ki growth bhi badhegi. 
  
  
• EGGS KA USE : Baalo ki dryness ko door karne ke liye aap apne heena mehndi me ande ki safed parat ka bhi use kar sakte hai. Ye aapke baalo ko soft, shiny, smooth aur ghana banati hai.
  
  
• COFFEE POWDER : Agar aap apne baalo me ek natural colour bhi paana chaahte hai, to isme coffee powder bhi mix kar sakte hai. Ye aapke baalo ko gahra natural colour deta hai, wo bhiYe bina kisi side-effect ke ye aapke baalo ko gahra natural colour bhi deta hai.
  
  
• NOTE : In sab chijo ko aap ek sath apne mehndi me mix mat kar lijiyega. Aap apne problems ke anusaar hi mehndi me chijo ko add kijiye. Sab chijo ko ek sath add kar lene se side-effect ya koi elergy hone ka dar rahta hai.
  
   HEENA MEHNDI LAGANE KA TARIKA 
  
  Heena mehndi aapke baalo ko smooth, silky aur shiny banata hai. Iske sath-sath ye aapke baalo ki growth ko badhakar hairfall ki problem ko bhi door karta hai. Lekin agar aap heena mehndi ka use sahi tarike se ni karte hai to ye aapke baalo ke liye harmfull bhi ho sakta hai.
  
  
• Heena mehndi ko raat me hi kisi lohe ke bartan me tayar kar lena chyie. Jaisa ki aapko humne upar bataya hai.
   
• Aap apne baalo ki problems ke anusaar usme chije add kar sakte hai.
  
  
• Sabse phle aap apne baalo ko kisi achhe mild shampoo se wash kar le.
  
  
• Baalo ki safayi karte waqt baalo me oily pan na ho.
  
  
• Halke gile baalo me mehndi lgana achha hota hai, lekin agar aapke baal sukh gye hai to bhi aap apply kar sakte hai.
  
  
• Aap apne haatho me dastaane ka bhi use kar sakte hai. Isse mehndi ka colour aapke haatho par ni chadhta hai.
  
  
• Khangi (comb) ki help se baalo ko two parts me devide kar le. Phir baalo ki jado (roots) se lekar mehndi lgaye aur isko ek taraf ghumaate hue bun ki tarah baadh le. Isi tarah sabhi baalo me lgaye aur ghuma kar bun me lapet de.
  
  
• Is tarike se poore baalo me mehndi lag bhi jayegi aur bina kisi band, cleture ke aapka bun bhi ni khulega. 
  
  
• Bachi hui Heena mehndi ko achhi tarah se bun ke upar bhi apply kare. Jisse ek tarah se poore baalo ko colour aur conditioner mil sake.
  
  
• Heena mehndi ko apne baalo me 2 se 3 ghante tak laga rahne de phir thande paani se baalo ko achhe se wash kar le.
  
  
• Heena mehndi ka asar jyada der tak rahe iske liye aapko 1 ya 2 din tak kisi shampoo ka use apne baalo me ni karna hai.
  
  
• Jab aapke baal sukh jaaye to aap apne baalo me oil lagaye jisse aapke baalo me heena mehndi ka colour achhe se chadh jaayega.
  
  
  BAALO ME MEHNDI LAGANE KE FAYDE
  
  Heena mehndi lagane ke bhout se fayde hote hai. Ye aapke baalo ke liye ek Natural Conditioner ke roop me kaam karta hai. Jo aapke baalo ko Silky, Smooth, Shiny aur Dandruf free banata hai, iske sath sath aapki baalo ki growth ko badhakar damage hue baalo ki repairing ka kaam bhi karta hai.
                              Heena mehndi aapke baalo ko natural colour bhi deta hai, sath hi baalo ko ghana aur lamba bhi banata hai. Mehndi ke use ke baad aapke baalo me ek Shine aa jaata hai, jo dekhne me achha lagta hai.
  
  BAALO ME MEHNDI LAGANE KE NUKSAAN 

                     Heena mehndi lagane se ek taraf jaha bhout se fayde hote hai to kuch nuksaan bhi ho sakte hai. Hairfall ki problem, ya phir Elergy jaisi koi problem bhi ho sakti hai. Baalo ki har ek problem ko Heena mehndi se hi door ni kar sakte hai. Body me Paani ki kami, dhoop ki wajah se, ya phir foods ki wajah se bhi baalo me Dryness, Dandruf, Hairfall jaisi problem bhi samne aa sakte hai.

• Jin logo ki skin Sensitive hoti hai, unko Elergy jaisi problem bhi aa jaati hai.
• Agar aap upar bataye gye sabhi ingridents ko ek sath mila dete hai to Elergy ka dar ho sakta hai.
  
                    Heena mehndi ke apne kuch fayde hai to whi doosri taraf usse kuch nuksaan bhi samne aa sakte hai. Lekin agar aap saavdhaani ke sath inka use karte hai aur apne baalo ki problem ke anusaar hi chije add karte hai to ye aapke baalo ke liye asardaar saabit hogi. Aaj aapko humara ye Heena Mehndi se related tips kaisa laga ? Comment box me jaroor bataye.

     INSTAGRAM I'D : #naturalsaundrya.jayu12