Facial at home

                       Aap apne face ki khoobsurti ko badhane ke liye na jaane kya kya karte hai aur sath me bhout si chijo ka use bhi karte hai. Facial bhi ek aisa tarika hai, jisko karwane se aapki khoobsurti badhti hai, aur sath hi sath  ye aapki skin ki care karne ka ek tarika bhi hai. Lekin kabhi kabhi hum facial kisi reason ki wajah se ni karwa paate hai, ya phir achanak se koi party ya function me jaana hua to aap parlour jakar facial ni karwa paaye to aap apne ghar me bhi facial aasani se kar sakte hai.

                     Facial se aapke skin se dhula-mitti, dead-skin aur extra oil nikal jaata hai, jisse aapki skin clean ho jaati hai. Facial karna koi hard work ni hai, isko aap apne ghar par bhi 5 steps follow karke apne skin par glow la sakte hai. Isse aapki skin par blood circulation bana rahta hai, jisse skin clear, soft aur glowing najar aati hai.

                        Hum aapko aaj apne blog se facial karne ka tarika batane wale hai, jisse aap apne ghar par hi parlour jaisa nikhaar pa sakte hai.

 STEP 1 = CLEANSING

                  Cleansing aapke face se din bhar ki dhul mitti, makeup ko hatata hai. Ek tarah se ye aapki skin ko hydreat rakhta hai. Sabse pahle aap cleansing se face ko clean karna hota hai. Natural cleansing hum aapko apne blog ke jariye aapko yha batayege, ki aap kin kin chijo se apne face ki cleansing kar sakte hai.

1.  Aap honey ko bhi apne face par cleansing ki tarah use kar sakte hai. Ye aapki skin ko achhe se clean karti hai aur glowing banati hai.
   
   
2. Aap cleansing ki tarah potato juice ya potato slice ko apne face par 5 min tak ragde, isse aapke face se saari gandagi aur sun taning ki problem bhi door ho jayegi.
   
   
3. Kachhe milk ko aap cleansing ki tarah use kar sakte hai, jo aapki skin ke dhul-mitti ko door karke face ko clean karta hai. Isko cotton ki help se apne face par 5 min. tak lagaye, phir thande paani se face ko clean kar le.
   
   
   STEP 2 = SCRUBING
   
   
   Facial karne ka doosra step scrubing hai. Scrub karne se aapki skin ke dead skin nikal jaate hai, iske sath scrub aapki skin ko Exfiloat karti hai. Aapko hum kuch aise natural scrub batane wale hai, jinka use karke aap apne face par scrub kar sakte hai.
   
   

1.  Rice flour ko honey me milkar ek paste tayar kare. Phir is se aap apni skin par halke haatho se 10 min. tak scrub kare, phir face ko thande paani se wash kar le.
   
   
2. Ek bowl me masla hua papita (papaya) me, rice flour ya phir oatmeal ko milakar ek paste tayar kare. Ab apne face par isse 10 se 15 min. tak scrub kare, phir thande paani se face ko clean kar le.
   
   
3. Ek bowl me 1 spoon oatmeal, 1 spoon lemon juice aur 1 spoon rose water ko milakar scrub tayar kare, phir is se apne face par 10 min tak halke haatho se scrubing kare, phir face ko clean kar le.
   
    STEP 3 = MASSAGE
   
   
   Facial ka 3 step massage hai, ye aapki skin ko andar se clean karta hai, sath hi sath ye aapki skin ki gandagi ko door karta hai, dead skin ko remove karke aapki skin par blood circulation ko banaye rakhta hai.
   
   
   
   
   
   
   

1.  Massage ke liye aap koi natural mild cream ka use apne skin ke anusaar kar sakte hai.
   
   
2. Massage ke liye aap gulaabjal ka bhi use kar sakti hai. is ko aap apni facial cream ke sath sath massage karne ke liye kar sakte hai.
   
   
3. Aap massage ke liye koi achhi fruit cream ka use kar sakte hai.
   
   
    STEP 4 = STEAM
   
   
   Facial ka ye step optional hota hai. Steam karne ke liye ek bartan me paani garam kare, phir isko ek towel ki help se pakadkar niche rakh de. Ab apne face ko ek towel se achhe se dhak kar steam le, Dhyaan rahe apne face ko bartan ke jyada paas na le jaaye, is se aapki skin jal bhi sakti hai. 5 se 10 min tak steam le, phir halke haatho se apne face ko thap-thapakar paani ko sukha le. Steam karne se aapki skin andar se clean ho jaati hai, dead skin nikal jaati hai, aur sath sath aapke skin glowing banti hai.
   
   
   STEP 5 = FACE PACK
   
   
   Facial ka 5 step apki skin par pack ya koi face mask apply karna hai. Steaming ke baad pack lgane se ye aapki skin ke andar tak asar karta hai, isliye kosis yhi kare ki aap Natural face pack ka hi use kare, jisse aapki skin par koi side-effect na ho. Aapko hum kuch natural face pack batane wale hai jinka use aap facial karte time kar sakte hai.
   
   
   
   
   
   

1. Ek bowl me 2 tablespoon masla hua papaya, 1 spoon lemon juice aur 1 spoon aloe vera gel ko mila kar ek pack tayar kare, ab isko apne face par 15 min lgakar, phir thande paani se face ko clean kar le.
   
   
2. Strawberry, rice flour, aur honey ko ek bowl me mix karke apne face par 15 min. tak apply kare, phir thande paani se face ko clean kar le.
   
   
3. Dry skin wale ek bowl me aadhe pake hue banana (kele) ko masalkar usme 1 spoon honey milakar pack tayar kare, phir is pack ko apne face par 15 min ke lgaye, aur thande paani se clean kar le.
   
   
4. 1 Tablespoon besan, 1/2 spoon dahi aur chutki bhar haldi powder milakar ek pack tayar kare, Is pack ko apne face par 15 min. ke liye lgaye phir thande paani se face ko clean kar le.
    
5. Face pack lgate time aap apni aankho par cucumber slice ko rakh sakte hai, is se aapki aankho ko thandak milegi. Iske sath hi aap cotton ko gulaabjal me bhigokar apni aankho par rakh sakti hai.
   
   
     STEP 6 = MOISTURIZER
   
   
   Facial ka sabse last step hai, ki aap apne face par moisturizer lagaye. Face pack ke baad moisturizer lagane se aapki skin soft, shiny, glowing and hydreat bani rahti hai.
   

1. Aap aloe vera gel ko bhi moisturizer ke roop me use kar sakti hai.
   
   
2. Coconut oil me kuch drops gulaabjal ke milakar apne face ko moisturized kar sakti hai.
   
   
    IMPORTANT TIPS FOR FACIAL AT HOME
   

1. Facial karne se pahle aap apne face ko achhe se clean kar le.
   
   
2. Sabhi baalo ko scarf ya koi band se baandh le, jisse ki facial karne ke time baal aapke face par na aaye.
   
   
3. Facial aapke skin par blood circulation ko banaye rakhta hai, sath hi ye aapke face ko cleaning, toning aur moisturizing bhi karta hai, isliye hmesa achhi quality ka facial kit purchase kare.
   
   
4. Facial karne ke sabhi tips ko tips by tips hi follow kare, koi bhi step aage piche karne se face par side - effect bhi ho sakta hai.
   
   
5. Facial ke sabhi step ko lagatar karte rahna chyie, bich me rukna ni chyie.
   
   
6. Facial hmesa apni skin ke anusaar hi choose kare, jyadatar log Herbal facial kit ka hi use karte hai.
   
   
7.  Aankho ko relax feel karwane ke liye aap cucumber slice, ya phir cotton ko gulaabjal me bhigo kar apni aankho par rakhe.
   
   
8. Facial karte time aap preasure point ka jaroor dhyaan rakhe. 
   
   
9. Facial ka asar jyada time tak rahe iske liye aap 24 ghante tak koi soap ya facewash aur makeup ko avoid kare.
   
   
10. Apne mind ko bilkul shanta rakhe, jisse facial ka effect usefull hoga.
    
    
                         Aapko humara aaj ka ye facial se related blog kaisa laga ? Comment box me jaroor bataye.
    
    INSTAGRAM I'D : #naturalsaundrya.jayu12