Hume apne skin ka achhe se care karna chyie. Lekin hmesa apne skin types ko dhyaan me rakhkar hi uski care karni chyie aur har ladies aur girls ko apne skin types ko dhyaan me rakh kar Skin Products ko use karna chyie. Skin type ko pachaan ne ke liye hum aapko bata de ki hmari skin 5 types ki hoti hai.
- Oily skin
- Dry skin
- Normal skin
- Combination skin
- Sensitive skin
Aap sabne oily, dry, aur normal skin ke baare me suna hi hoga, lekin sensitive aur combination skin thoda confuse karta hai, ki ye kon si skin hoti hai ? Hum aapko aaj yha is blog ke jariye aapko all skin types ke baare me , unki pachaan aur kuch important tips batayege jo all types skin me helpfull hoga.
NORMAL SKIN : Aise is duniya me bhout hi kam log hote hai jinki skin normal hoti hai, kyoki in skin walo ke face na hi oily rahta hai aur na hi inki skin dry lagti hai. Normal skin walo ke logo ke face par koi skin problems bhi jaldi ni aati hai. Normal skin walo ka face hmesa clean and soft bana rahta hai.
OILY SKIN : Oily skin me hmare face par hmesa oil aata rahta hai, jisse hmari skin oily, chip-chipi lagti hai. Oily skin wale log ke face par jaldi wrinkles ni aate hai aur inke face par oil ki wajah se glow bana rahta hai, isliye wo hmesa jawan najar aate hai. Lekin oily skin par hmesa oil aata rahta hai, jisse is skin par red spots, pimples jaisi problem jyada aati hai, Aur infection ka dar hmesa bana rahta hai. Isliye oily skin walo ko apna face baar - baar wash karte rahna chyie. Aur oily skin walo ko chandan ya phir multaani mitti ka pack lagana chyie.
DRY SKIN : Agar aapki skin rukhi aur khichi - khichi si lagti hai to aapko samajh jaana chyie ki aapki skin dry hai. Is skin par makeup lambe time tak waise hi bana rahta hai jaisa makeup aapne kiya hai. Dry skin me pimples, spots ki problem ni hoti hai, lekin Dry skin ke logo ke face par koi glow ni rahta hai aur hmesa unki skin par dryness dikhti hai. Isliye in skin ke logo me freckle (jhayiaa), aur wrinklesproblem jaldi hi aati hai.
COMBINATION SKIN : Combination skin walo ke face par jaise ki nose, head aur chin oily hote hai, to whi doosri taraf unke gaalo par dryness hoti hai.Matlab ye hai ki inki skin oily and dry dono hoti hai, isliye combination skin walo ko apne skin ka khyaal rakhna jyda jaroori hota hai. Din me 4-5 baar apne face ko wash kare phir moisturizer apply kare. Apne skin ke hisaab se pack ka use bhi karte rahna chyie.SENSITIVE SKIN : Sensitive skin walo ko apne face skin ka jyada hi khyaal rakhna chyie, aur apne skin ke hisaab se hi market se makeup products ko purchase karna chyie. Sensitive skin walo ki skin sensitive hone ki wajah se in par kisi product ka effect ulta bhi padh sakta hai, jisse inki skin me skin problem hone lagti hai, Aur khujli bhi hone lagti hai.
APNA SKIN TYPE KAISE JANE ? Humne aapko skin ke types to bata diye hai, lekin aap apne skin ka kaise pata kare ki wo Dry hai ya phir Oily, ya phir Normal hai ya combination ya sensitive. Hum aapko aise kuch tips btane wale hai jisse aap apne skin type ka pata laga sakte hai. - Tissue paper
- Mirror test
TISSUE PAPER SE KAISE PATA KARE APNE SKIN TYPES KA ? Tissue paper se skin types jaanne ke liye hume apne skin ko tissue paper se clean karna hota hai. Is tarike se aapko pata lag jyega ki aapki skin kis type ki hai aur aap apne skin ka achhe se khyaal rakh sakte hai. jisse aapki skin glowing, soft ho jayegi. - Morning me uth kar aap apni skin ko tissue papers se saaf kare. Phir aapko apne skin types ka pata lag jyega.
- Agar aapka tissue paper dry lagta hai, aur khichi- khichi si lagti hai to aapko samjh jaana chyie ki aapki skin Dry skin hai.
- Agar aapke tissue paper par oil aata hai, to aapki skin Oily skin hai. aise skin par pimples jyda aate hai.
- Agar aapka tissue paper dry bhi lagta hai aur sath hi sath us par oil bhi aata hai to aapko samjh jaana chyie ki aapki skin Combination skin hai.
- Tissue paper lagane se agar apke skin par jalan hoti hai, to aapki skin Sensitive skin hai. Sensitive skin walo ko apne skin ka jyada khyaal rakhna chyie.
MIRROR TEST FOR SKIN TYPE : Apne skin type ke anusaar apne skin ka khyaal rakhne ke liye hume apne skin ka type pata karna jaroori hai. Isk eliye hum aapko Mirror test karna batate hai. jisse aap aasani se apne skin type ka pata laga sakte hai. - Mirror ke samne khade ho jaaye agar aapki skin dry lagti hai, aur skin par choti-choti lines dikhti hai to aapki skin Dry hoti hai.
- Mirror me aapki skin par aapko oil dikhta hai, aur iske sath sath pimples jaise problem hote hai to aapki skin Oily hai.
- Agar aapki skin dry ke sath sath oily bhi dikhe to aapko samjh jaana chyie ki aapki skin Combination skin hai.
- Aapki skin mirror me saaf dikhti hai, aur aapke skin par jaldi koi skin problems ni aati hai to aapki skin Normal hoti hai.
Aap apne skin ka khyaal agar apne skin type ke hisaab se rakhege to aapki skin hmesa soft and clean najar aayegi, aur iske sath hi sath aapke face par koi skin problems bhi jaldi ni aayegi.
Aaj hum aapko yha kuch aise tips btane ja rahe hai, jo har type wale skin ke liye bhout hi usefull hongi. Agar aap in sab tips ko follow karte ho to aapki skin par hone wali saari skin problems door ho jayegi. - Daily morning walk par jaaye.
- Yoga ya phir Exercise kare.
- Din bhar me 8-10 glass paani piye.
- Night me sone ke pahle apne skin se makeup ko saaf kar de.
- Aap jyada se jyada Green vegetables and fruits khaye. Isse aapki skin fresh bani rahegi.
- Bahar agar khi dhoop me jaaye to apni skin par sunscreen lotion apply kare.
- Gulaabjal (Rose water) ka use cotton se apne skin par lagaye. Isse aapki skin hydreat rahti hai.
- Agar aap smoking karte hai to usko chodh de, kyoki smoking aapke skin par side-effect daalti hai.
- Jyada se jyada coconut water piye. Isse aapko freshness feel hoga.
Aaj aapko humne apne blog ke jariye apne skin type, skin type ki pachaan aur all skin types ki care karne ke liye kuch important tips bataye hai. Jinko follow karke aap bina kisi dar aur side-effect ke apne skin type ke anusaar hi apne skin ka khyaal rakh sakte hai.
INSTAGRAM I'D : @naturalsaundrya.jayu12
0 टिप्पणियाँ